Нийслэлийн хэмжээнд 2017 оны 01 дүгээр сарын 04-ний өдрөөс цэргийн бүртгэлийн ажил эхэлсэн билээ.
Өнөөдөр Иргэдийн Төлөөлөгчдийн Хурлын дарга Э.Ганбат бэлтгэл офицер, иргэнийхээ үүргийг биелүүлж өөрийн харьяа дүүргийн 3 дугаар хороонд очиж цэргийн шинэчилсэн бүртгэлдээ хамрагдлаа.
Мөн дүүргийн ЗДТГ-ын Цэргийн штабын дарга хурандаа Л.Батаатай хамтран хорооны бүртгэлийн явцын дүн мэдээтэй танилцлаа.
Өнөөдрийн байдлаар 3 дугаар хорооны бүртгэл 94%-тай ,дүүргийн бүртгэлийн явц 88%-тай байна.
Цэргийн бүртгэл энэ сарын 20-ны өдөр хүртэл үргэлжлэх бөгөөд Иргэдийн Төлөөлөгчдийн Хурлын дарга Э.Ганбат 18-50 насны эрэгтэйчүүдийг цэргийн шинэчилсэн бүртгэлдээ идэвхтэй хамрагдахыг уриаллаа.
