Сүхбаатар дүүргийн Иргэдийн Төлөөлөгчдийн Хурлын дарга Б.Ган-Эрдэнэ 2016 оны 5 дугаар сарын 18-ны өдөр дүүргийн нутаг дэвсгэрт хийгдэж буй зуслангийн чиглэлийн зам засварын ажлын явцтай танилцлаа.
Өнгөрсөн онд Дамбадаржаагийн уулзвараас Шарга морьт, Хандгайт хүртэлх нийт 16.35 километр автозамыг өргөтгөн шинэчилж ашиглалтад оруулсан.
Ингэхдээ Шадивлангийн уулвараас Шаргаморьтын уулзвар хүртэл 4.6 км замыг суурь хучилтаар зорчих хэсгийг нээсэн юм.
Тэгвэл Шадивлангийн уулвараас Шаргаморьтын уулзвар хүртэл 4.6км замын өнгө хучилтын ажил эхлээд байна.
Уг ажлыг Төгс зам ХХК гүйцэтгэж буй бөгөөд зам барилгын ажлыг иргэдэд хүндрэл, төвөг багатай үргэлжлүүлэх үүднээс замыг бүрэн хаалгүйгээр, эгнээ эгнээгээр хэсэгчлэн хөдөлгөөнийг нэвтрүүлж, хучилтын ажлыг хийж байгаа юм. Өнгө хучилтын ажлыг энэ сарын дундуур эхэлж зургаадугаар сарын 1 гэхэд бүрэн дуусгахаар төлөвлөөд байна. Суурь хучилттай замын зузаан 5 см байсан бол өнгө хучилт хийснээр 9 см-ийн зузаантай болох ажээ.
