2015 оны 11 дүгээр сарын 24-ны өдөр дүүргийн Иргэдийн Төлөөлөгчдийн Хурлын дарга Б.Ган-Эрдэнэ, Иргэдийн Төлөөлөгчдийн Хурлын тэргүүлэгчдийн нарийн бичгийн дарга Д.Боргио нар Сэргээн засалт хөгжлийн төвийн дэд дарга Т.Мөнх-Очир, тус төвийн Нийгмийн оролцоо, хамтын ажиллагааны газрын дарга н.Баярбат болон Сонсголын бэрхшээлтэй иргэдийн нийгэмлэгийн төлөөллүүдийг хүлээн авч уулзлаа. Уулзалтын үеэр Сэргээн засалт хөгжлийн төвийн дэд дарга Т.Мөнх-Очир Хөгжлийн бэрхшээлтэй иргэдийн эрхийн тухай эрх зүйн баримт бичгүүдийг албан ёсоор гардуулан өглөө. Үүнд: 

     “Хөгжлийн бэрхшээлтэй хүмүүсийн эрхийн тухай НҮБ-ын конвенц, түүнийг 2013-2016 онд хэрэгжүүлэх арга хэмжээний төлөвлөгөө”, “НҮБ-ын хөгжлийн бэрхшээлтэй хүмүүсийн эрхийн хорооноос гаргасан конвенцийн зөвлөмж”, “Ази, Номхон Далайн бүс нутаг дахь хөгжлийн бэрхшээлтэй хүмүүст зориулсан “Эрхийг бодит болгоё” Инчеоны Стратеги” гэсэн баримт бичгүүд багтаж байгаа юм.