Тус хуралдаануудад дүүргийн ИТХ-ын дарга Б.Ган-Эрдэнэ оролцож улс, нийслэл, дүүргийн төсөв болон дүүргийн орон нутгийн хөгжлийн сангийн хөрөнгөөр 2013, 2014 онд дүүргийн хэмжээнд хийгдсэн бүтээн байгуулалтын ажлууд болон 2015 онд хийгдэж буй ажлын явцын талаарх мэдээлийг иргэдэд танилцуулж байгаа юм.
Иргэд орон нутгийн хөгжлийн сангийн хөрөнгөөр хороондоо хэрэгжүүлэх нэн түрүүнд шаардлагатай ажлыг санал нэгтэйгаар эрэмбэлж, 2013, 2014, 2015 оны байдлаар дэд бүтэц, тохижилт, ногоон байгууламж, сургууль цэцэрлэг, салбар бүрийг анхаарч хийж хэрэгжүүлсэн ажилд талархаж, цаашдын ажилд амжилт хүслээ.
Иргэдийн саналыг эрэмбэлүүлэх хэлэлцүүлэг энэ сарын 30-ны өдрийг хүртэл үргэлжилнэ.
