2022 оны 05 дугаар сарын 02-ны өдрийн Сүхбаатар дүүргийн ИТХ-ын Төсөв, санхүү, эдийн засгийн хорооны хуралдаанаас дүүргийн 2023 оны төсвийн хөрөнгө оруулалтаар хийгдэх ажлын зураг, төсвийн саналыг ИТХ-ын төлөөлөгчид, ЗДТГ, 1-20 дугаар хороодын Засаг дарга нар хамтран боловсруулж гаргахаар болсон.
Тус ажлын хүрээнд өнөөдөр дүүргийн 13, 19 дүгээр хорооны Засаг дарга нар болон тус хорооноос сонгогдсон ИТХ-ын төлөөлөгчид 2023 онд хороодод шаардлагатай хөрөнгө оруулалтын ажлын санал, бүтээн байгуулалт хийх боломжит байршлын холбогдох саналаа дүүргийн ЗДТГ-ын Төлөвлөлт, гүйцэтгэлийн хяналт, шинжилгээний хэлтэст танилцуулж саналаа өглөө.
Сүхбаатар дүүргийн 13 дугаар хороонд Улсын төсвийн хөрөнгөөр 159 дүгээр сургууль, дүүргийн төсвийн хөрөнгөөр Нэгдсэн эмнэлэг зэрэг томоохон бүтээн байгуулалтын ажлууд хийгдэж байна.
Мөн иргэн та ОНХС аппликейшнг гар утас дээрээ татан авч 2023 онд Орон нутгийн хөгжлийн сангийн хөрөнгөөр хийлгэх ажлын саналаа 2022 оны 06 дугаар сарын 01-ний өдрийн дотор өгөх боломжтой юм.
